Contenuti per adulti
Questo testo contiene in toto o in parte contenuti per adulti ed è pertanto è riservato a lettori che accettano di leggerli.
Lo staff declina ogni responsabilità nei confronti di coloro che si potrebbero sentire offesi o la cui sensibilità potrebbe essere urtata.
Inquietudine
Inquietudine,
nun tuzzulià stu core.
Lascialo stà,
fàll’arrupusà…
È stanco,
‘o viere?
Scapuzzea
comm’ all’altalena
ca va e che vene,
senza truvà
nu punto
addò fermarse.
Pe’ favòre…
lassàle durmì.
Nun ‘o scetà
cu’ ricorde
ca fanno ancora male,
cu’ parole
ca nun hanno avuto risposta,
cu’ suonne
ca s’ so’ perdute
primma ancora
d’è puté diventà realtà.
Lascialo stà,
stu core
ca s’è fatto piccolo
p’ nun fà rumore,
ca ha imparato
a chiagnere
dint’ ‘o silenzio,
e a sorridere
pure quanno
nun tene cchiù
forza.
Nun ‘o chiamà
cu’ ‘o nome
d’ ‘o desiderio,
nun ‘o tentà
cu’ ‘a speranza
d’ ‘o ritorno.
Pe’ stanotte,
lassàle durmì.
Domani,
forse,
se sceta
cu’ nu respiro nuovo,
cu’ nu raggio ‘e sole
appiso
a ‘na finestra,
cu’ ‘a voglia
‘e turnà
a credere
ca, doppo tanta notte,
pure ‘o core
po’ truvà
nu poco ‘e pace.
Ma stasera…
nun tuzzulià.
Lassàle durmì,
stu core
ca ancora t’appartene,
pure si nun ‘o sape,
pure si nun ‘o sente,
pure si ‘a vita
l’ha purtato
luntano
d’ ‘o suonno
ca desiderava.
Lassàle durmì…
ca quanno
se riposa ‘o core,
forse,
pure ‘o dolore
s’addorme.
Autore: Ambrosino Salvatore
